លោក ​ហ៊ុយ ហឿន​ប្រធានស្ថា​នីយ៍ជញ្ជីង​ថ្លឹងរថយន្តផ្លូវជា​តិលេខ៧ប្រព្រឹ​ត្តអំពើពុក​រលួ​យលោក សេង​ ឈួន មេជ​ញ្ជីងថ្លឹ​ងរថយន្តទូ​ទាំងប្រទេស​រក្សាភា​ពស្ងៀ​មស្ងាត់

66146856_2440812309487378_3194387363828596736_n-150x150

មន្ត្រីរាជការ​នៅក្នុង​មន្ទីរ​សាធារណការ​និង​ដឹកជញ្ជូន​ខេត្តក្រចេះ មួយចំនួន​បាន​បង្ហើប​ឲ្យ​ដឹងថា រហូតមកដល់​ពេលនេះ​លោក ស្រេង ស្រស់ ប្រធាន​មន្ទីរ​សាធារណការ​និង​ដឹកជញ្ជូន​ខេត្តក្រចេះ នៅតែ​ឃុបឃិត​ឲ្យ​លោក ហ៊ុយ ហឿន ប្រធាន​ស្ថានីយ៍​ជញ្ជីង​ថ្លឹង​រថយន្ត​ផ្លូវជាតិ​លេខ​៧ ភូមិ​មានជ័យ ឃុំ​ស្រែ​ចារ ស្រុក​ស្នួល ខេត្តក្រចេះ ធ្វើ​អ្វីៗ​តាម​អំពើ​ចិត្ត​។ ដូច្នេះហើយ​ទើប​លោក ហ៊ុយ ហឿន និង​បក្ខពួក​ហ៊ាន​ប្រែក្លាយ​ជញ្ជីង​ថ្លឹង​រថយន្ត​ទៅជា​ជញ្ជីង​ថ្លឹង​លុយ​យ៉ាង​គឃ្លើន ព្រោះ​លោក ស្រេង ស្រស់ ជា​អ្នក​បណ្ដែតបណ្ដោយ​ឲ្យ​លោក ហ៊ុយ ហឿន និង​បក្ខពួក​ធ្វើ​អ្វីៗ​ស្រេច​តែ​អំពើ​ចិត្ត​។ ចំណែក​លោក ស៊ុន ចាន់ថុល រដ្ឋមន្ត្រីក្រសួង​សាធារណការ​និង​ដឹកជញ្ជូន ព្រមទាំង​លោក សេង ឈួន ដែលជា​មេ​ជញ្ជីង​ថ្លឹង​រថយន្ត​ទូទាំងប្រទេស បាន​រក្សា​ភាព​ស្ងៀមស្ងាត់​ទុក​ឲ្យ​លោក ហ៊ុយ ហឿន ប្រធាន​ស្ថានីយ៍​ជញ្ជីង​ថឹ្ល​ង​រថយន្ត​ផ្លូវជាតិ​លេខ​៧ ក្នុងស្រុក​ស្នួល ខេត្តក្រចេះ បន្ត​សាង​ភាពល្បីល្បាញ​ខាង​ពុករលួយ​។

មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ក្នុង​ឃុំ​ស្រែ​ចារ បាន​កត់សម្គាល់ថា បច្ចុប្បន្ន​រថយន្ត​ធំៗ​ដឹកជញ្ជូន​ឈើ​លើស​ទម្ងន់​ឬ​ដឹកជញ្ជូន​ទំនិញ​លើស​ទម្ងន់​ភាគច្រើន​លើសលប់​អាច​បើកបរ​ឆ្លង​កាត់មុខ​ស្ថានីយ៍​ជញ្ជីង​ថ្លឹង​រថយន្ត​ផ្លូវជាតិ​លេខ​៧ ភូមិ​មានជ័យ យ៉ាង​រលូន​ដោយ​មិនបាច់​ចូល​ថ្លឹង​ឡើយ​។ ប្រភព​បាន​ឲ្យ​ដឹង​ទៀតថា អ្នកបើកបរ​រថយន្ត​ដឹកឈើ​លើស​ទម្ងន់​ឬ​អ្នកបើកបរ​រថយន្ត​ធំៗ​ដឹកជញ្ជូន​ទំនិញ​លើស​ទម្ងន់​ឆ្លង​កាត់មុខ​ស្ថានីយ៍​ជញ្ជីង​ថ្លឹង​រថយន្ត​ភូមិ​មានជ័យ គ្រាន់តែ​បង់លុយ​តាម​ការកំណត់​របស់លោក ហ៊ុយ ហឿន និង​បក្ខពួក​គឺអាច​បន្តដំណើរ​ទៅមុខ​ដោយ​គ្មាន​ការរំខាន​។ ប្រការ​នេះហើយ​ទើប​ផ្លូវជាតិ​លេខ​៧ ក្នុងស្រុក​ស្នួល ខេត្តក្រចេះ ត្រូវ​ខូច​ជាច្រើន​កន្លែង​ព្រោះ​រថយន្ត​ធំៗ​ផ្ទុក​ឈើ​លើស​ទម្ងន់​និង​ផ្ទុក​ទម្ងន់​លើស​ទម្ងន់​អាច​បើកបរ​ឆ្លងកាត់​ផ្លូវ​នេះ​តាម​អំពើ​ចិត្ត ព្រោះ​មន្ត្រី​ប្រចាំ​ស្ថានីយ៍​ជញ្ជីង​ថ្លឹង​រថយន្ត​ក្នុងភូមិ​មានជ័យ គិតតែ​ពី​រឿង​ប្រមូល​លុយ​ចែកគ្នា​ធ្វើ​មាន​ធ្វើបាន​យ៉ាង​សុខ​ស្រួល​។

អត្ថបទថ្មីៗ

ចំនួនអ្នកទស្សនា

ថ្ងៃនេះ​ 339 នាក់

ម្សិលមិញ 1058 នាក់

សរុប 419653 នាក់